A.S.Co.T.
| Also available in : | ||||||||||
 |
 |
 |
 |
 |
 |
 |
 |
 |
 |
|
 |
 |
 |
 |
 |
 |
 |
 |
 |
 |
|
Stòria d' A.S.Co.T.
L’A.S.Co.T. Club creau â fin d’u 1991 è ün’ assuçiaçiùn d’amighi.
I fundatui an strenzüu tra ëli de vìnculi d’amicìçia giügandu a u tennis tüt’ i zôgia, de sëra. Dopu avè piyau cunsciença de çe che gh’avëva purtau a pràtica d’u sport e perchè sun ünternaçiunali, essendu uriginari de diversi paisi cuma a Germània, l’Àustria, a França e l’ Ungaria, an decisu de stende u cuncetu. Cuscì è nasciüa ünt’ün « Biergarten » d’u qartiè « chic » de Grossflottbek a Hamburg, l’idea d’ün primu turneu tra ë eqipe d’achëli diferenti paisi.
A vucaçiùn de l’A.S.Co.T. Club era de deventà propi ün club cun ün’ influença ünternaçiunala a u viru d’u sport, urganizandu tüt’i ani ün turneu de tennis.
D’a so’ edücaçiùn e d’a so’ vita prufessiunala, scàiji tüt’i soci ponun, sença prublema, cunversà ün ünglese, ün tedescu, ün françese, ün spagnolu e tambèn ün italiàn.
Se è veru che a u principi, è a pràtica d’u tennis che à cungregau i sei soci fundatui e iniçiau u cuncetu de l’A.S.Co.T. Club, aura u club aceta de drœve a porta a d’àutri sport. È per aiçò a sigla:
« All Sports Country Team »
Ciamai tambèn « Cardinali » perchè gh’an sciû i soi blazer, i scüi A.S.Co.T. sci’ ün fundu russu, i soci stòrichi sun soci per a vita e sun sei.
Sun:
Joachim-Anton von ALVENSLEBEN,
Conte du BEDIESSE,
Jochen HEINS,
Bernhard von HOHBERG und BUCHWALD,
Conte Nicolas von ROSTY-FORGÁCH,
Conte Christian zu STOLBERG-STOLBERG.
I primi turnei d’achëla sorta de « Coupe Davis » amicala sun stai urganizai ünt’u magnìficu situ d’u pensiunari privau de Louisenlund ün riva d’a Bàltica cun l’agiütu d’
A So’ Altessa u Prìncipu Christoph zu SCHLESWIG-HOLSTEIN.
Se deventa sòciu de l’A.S.Co.T. Club ün partiçipandu a i turnei amicali e per cuutaçiùn.
Se deventa sòciu d’unù a u mèritu, per u so üngagiamëntu persunale, ün partiçipandu a l’urganizaçiùn e â qalità d’i soi eventi, ün aumentandu u numbre d’i soci, ün assügurandu-se e l’amicìçia e a cunfiança d’i nœvi partiçipanti vegnüi de naçiue ancura pocu o pa representae.
Cuscì, üna vota a l’anu, dürante u « Players’ Dinner » i elüi sun unurai remëtendu-ghe u scüu A.S.Co.T. sci’ün fundu verdu.
Cuscì fandu, segundu u spìritu e a tradiçiùn d’i muschetàiri, a sentença de l’A.S.Co.T. Club è:
« Ün per tüti, tüti per ün ! »
